മച്ചാനെ പറ്റിച്ച പെണ്‍കുട്ടി ...

രാത്രിയുടെ അന്ത്യ യാമങ്ങള്‍. മിക്കവാറും പേര് ഉറക്കത്തിലേക്കു കടന്നു കഴിഞ്ഞു. പ്യാരിയും, പള്ളിയും,  പിന്നെ ഞാന്‍ മാത്രം ഉറക്കം കളഞ്ഞു  ലാപ്ടോപ്പുകളിലെ വെബ്കാമും കൊണ്ട് പരീക്ഷണങ്ങള്‍ നടത്തുക ആണ്. മച്ചാന്‍ സ്ഥിരം പരിപാടി ആയ പെണ്‍ അന്വേഷണവും ആയി ഒരു മൂലയില്‍ കിടപ്പുണ്ട്. ഞങ്ങള്‍ skype വഴി വീഡിയോ കാള്‍ നടത്തുന്നു. ഇത് കണ്ടു മച്ചാന്‍ മുന്നോട്ടു വന്നു. മച്ചാനും നടത്തണം വീഡിയോ ചാറ്റ്. ഗള്‍ഫില്‍ ആയിരുന്നപ്പോള്‍ ഉപയോഗിച്ചിരുന്ന അക്കൗണ്ട്‌ വഴി മച്ചാനും ലോഗിന്‍ ചെയ്തു. പക്ഷെ സൌണ്ട് എന്തോ പ്രശ്നം. ഇവിടെ പറയുന്നത് അപ്പുറത്ത് കേള്‍ക്കുന്നില്ല. അതിലെ ടെസ്റ്റ്‌ കാള്‍ ചെയ്തു നോക്കാന്‍ പള്ളിയുടെ suggestion. മച്ചാന്‍ ടെസ്റ്റ്‌ കാള്‍ ക്ലിക്കി. ഉടനെ ഒരു പെണ്‍കൊടി ഇംഗ്ലീഷില്‍ എന്തോ മച്ചാനോട് ചോദിക്കുന്നു. മച്ചാന്‍ പിന്നെ അമാന്തിച്ചില്ല. ഉടനെ വന്നു മറുപടി "yes ... hello ... nishad here". പിന്നെ എന്ത് സംഭവിച്ചു എന്ന് ഊഹിക്കാവുന്നത് അല്ലെ ഉള്ളു?